ÇAQODİŞŞA (yuxarı axınında Çaqoda) – RF-də, Leninqrad və Voloqda vil.-lərində çay. Moloqa çayının (Volqa hövzəsi) sol qolu. Uz. 242 km, hövzəsinin sah. 9680 km2. Tixvin tirəsindən başlanır. Qidalanması qarışıqdır, qar suları üstünlük təşkil edir. Meqrino k. yaxınlığında ortaillik su sərfi 55,4 m3/san-dir. Apreldən mayadək gursuludur. Noyabr-dekabrdan aprelin sonu mayın əvvəlinədək donmuş olur. 157 km-lik aşağı axını Tixvin su sisteminə daxildir. Ç. hövzəsində ümumi sah. 194 km2 olan təqr. 1,5 min göl və su anbarları var.

Чагодишша чайы.