ÇÖKMӘ ÖRTÜK, P l a t f o r m a  ö r t ü ­y ü – platformaların üst struktur mərtəbə­sini təşkil edən zəif dislokasiyaya uğramış çökmə süxurlar qatı; tərkibində kontinental və sahilyanı dayazlıqların qumlu­gilli, karbonatlı və halogen çöküntüləri üstünlük təşkil edir. Bəzi ərazilərdə (məs., Sibir, Hin­distan platformalarında) Ç.ö.­-də sillər və dolerit, qabbro­diabaz (traplar) daykaları ilə müşayiət olunan platobazaltlar, yaxud qələvi bazaltlar, tuflar da iştirak edir. Ör­tüyün özülündə bəzən turş tərkibli vulkanik əmələgəlmələr (Aldan qalxanı və s.) olur. Ç.ö. platforma tipli azmeyilli strukturlarla – monoklinallar, anteklizlər və sineklizlərlə mürəkkəbləşmişdir. Örtüyün qalınlığı an­teklizlərin tağ hissələrində 2 km­-dən az, sineklizlərin mərkəzi hissələrində 3–5 km və daha çoxdur; dərin platforma çökəklik­lərində (məs., Şərqi Avropa platformasında Xəzəryanı sineklizi) bu qalınlıq 20 km-­ə çatır. Ç.ö. aşağı struktur mərtəbədən (plat­ formanın özülündən), adətən, kəskin regio­nal qeyri­uyğunluqla ayrılır. Nadir hallarda özüllə örtük arasında cavan platformalara xas olan aralıq mərtəbəsinin çöküntüləri yerləşir. Neft, təbii yanar qaz, daş və qonur kömür, yanar şist, torf, çökmə dəmir filizi, boksit, fosforit, daşduz və kalium duzu, müxtəlif təbii tikinti materialları və onların istehsalı üçün xammal yataqları Ç.ö.­-lə əla­qədardır.