DAĞ BÜLLURU – kvarsın irikristallik, şəffaf növü. Tərkibi – SiO₂. Әsasən, orta və aşağı temp-­rlu hidrotermal proseslər zama­nı kvars damarlarında və peqmatitlərdəki boşluqlarda əmələ gəlir; sintez yolu ilə də alınır. Şüşə parıltılıdır. Bircinsli şəffaf mo­nokristalları yüksəkkeyfiyyətli akustik ci­hazların, saat hissələrinin hazırlanmasında qiymətli texniki xammaldır. D.b.­-ndan, həmçinin zərgərlik məmulatı hazırlanma­sında və bədii daşyonma sənətində istifadə olunur. Yataqları RF-­də (Ural, Altay, Pa­ mir), Ukraynada, İsveçrədə, Madaqaskar­da, Şri­Lankada və s. yerlərdədir. Azərb. Resp.­-nda (Böyük Qafqazda) təzahürləri var.

 Даь бцллуру. Газахыстан.