DAMAR, g e o l o g i y a d a – filizlərin və maqmatik süxurların yatım forması. Yer qa­bığında çatların hidrotermal məhlullardan ayrılan mineral maddələrlə dolması və ya maqmanın çatlarda kristallaşması nəticə­ sində əmələ gəlir. D.­-lar formasına görə sa­də (məs., plitəvarı) və mürəkkəb (pilləvarı, şaxəli, linzavarı, yəhərvarı və s.) olur. Ta­mamilə, yaxud çox hissəsi filiz mineralla­rından ibarət D.-­lar filiz damarları adlanır. Yan süxurlarla uyğun yatan və ya onları kəsən D.­ları ayırırlar. Faydalı qazıntı D.-­ı­nın uzunluğu bir neçə yüz km-­ə qədər ola bilər (Kaliforniyada qızıl filizi D.­-ları); dərinliyə doğru 3 km-ədək izlənilən D.-­lara rast gəlinir (Hindistanda Kolar yatağında). Qızıl, gümüş, qurğuşun, sink, volfram, qalay, civə, molibden, kobalt və s. metal­ların D. tipli yataqları var.