DANBURİT [ABŞ­ın Konnektikut şta­tında Danburi (Danberi; Danbury) yatağı­nın adından] – mineral, təbii borosilikat CaB₂(SiO₄)₂. Rombik sinqoniyada kristal­laşır. Kristalları prizmatikdir (bəzən uzun­luğu 40 sm­-ə çatır), karbonatla örtülür, adətən, kənarları ştrixlənir. Druzlar, radial­ şüalı aqreqatlar, dənəvər kütlələr əmələ gətirir. D. rəngsiz və ya ağ, çəhrayı, yaşıl, sarı rəngə boyanmış olur. Şüşə parıltılıdır. Sərtliyi 7; sıxlığı 3000 kq/m³. Maqmatik, kontaktmetasomatik və çökmə süxurlarda rast gəlinir. Nisbətən iri yığınları əhəngli borosilikat skarnlarındadır (Primoryedə Dalneqorsk yatağı və s.). Bor və onun birləşmələrinin alınması üçün xammaldır; üzlük daşı kimi istifadə olunur.