DARIDAĞ MİNERAL SU YATAĞI –Azərb. Resp. Culfa r­-nu (Nax. MR) ərazi­sində, Culfa ş.­ndən 8 km şm.­-ş.­-də, Darı­dağın ətəyində, dəniz səviyyəsindən 800– 900 m hünd.­-də, Darıdağ mərgmüş yatağı yaxınlığındadır. 5 bulaq və 32 kəşfiyyat quyusundan ibarətdir. Yataq Tabaşir yaşlı alevrolit, mergel və tuflu qumdaşıların tek­tonik qırılmaları ilə əlaqədardır. Suyun temp­ru 40–53°C, ehtiyatı 4507 m³/gün, minerallaşma dərəcəsi 20–23 q/l təsdiq edilmişdir.

Balneoloji tərkibi:

                                                       As21 mq/l CO₂ 0,8 M20–23·

                                                              
                                                          · pH6,6 D4507m³/günT40–53°C

Suyu karbon qazlı, mərgmüşlü, yüksək minerallaşmış xlorlu­hidrokarbonatlı­natri­ umludur; Kudova (Polşa), Lya­Burbul (Fransa), Dürkgeym (Almaniya), Sineqorsk (Rusiya) sularının analoqudur. Lakin suyu­ nun tərkibindəki mineral duzların mütəna­ sibliyinə görə onlardan üstündür. Ürək əzə­ ləsinin distrofiyası, maddələr mübadiləsinin pozulması, oynaq və ginekoloji xəstəliklə­ rin müalicəsində istifadə olunur. Su yatağı bazasında karbon qazı istehsal edən z­-d və müalicə müəssisəsi fəaliyyət göstərir.