DENDRİT (yun. δένδρον – ağac) – hər hansı bir mineral, metal, ərinti və ya süni birləşmənin kristallik törəmələri. Adətən kiçik budaq, ayıdöşəyi yarpağı formasında və ya ulduzşəkilli olur. Sürətli kristallaşma zamanı özlü mühitdə, kövrək gilli birləş­mələrdə və ya nazik süxur çatlarında əmələ gəlir. D. bir­-birinə paralel və ya ikiləşmə və­ ziyyətində bitmiş kristallardan ibarətdir. Təbiətdə bir çox minerallar (pirolüzit, ura­ninit, dəmir, mis sulfidləri və s.), metallar (mis, gümüş, qızıl və s.), manqan oksidləri və buz üçün xa­rakterikdir.

 Манган оксиди дендрити.