DESNÁ –RF (Smolensk, Bryansk vil.­-ləri)və Ukraynada çay. Dnepr çayının sol və ən uzun qolu. Uz. 1130 km, hövzəsinin sah. 88,9 min km². Smolensk­Moskva yüksəkli­ yindən başlanır. Yuxarı axınında sahilləri, əsasən, ovalıq və bataqlıqlardan ibarətdir. Seym çayı töküldüyü yerdən aşağıya doğru çay dərəsi genişlənərək, çoxlu qollar və göllər əmələ gətirir. Məcrası qumlu, dolan­ bacdır; çoxlu dayazlıqlar var. Әsasən qar su­ları ilə qidalanır. Yazda daşqınlar olur. Or­taillik su sərfi Çerniqov ş. yaxınlığında 323 m³/san. Dekabrdan aprelədək donmuş olur. Әsas qolları: sağdan – Sudost, Snov; soldan – Bolva, Navlya, Nerussa, Seym, Ostyor. D. hövzəsində təqr. 4,5 min kiçik göl, ümumi sah. 117 km² olan su anbarları və 650-­dən çox nohur (ümumi sah. 23,5 km²) var. Qədim zamanlardan D. mühüm ti­carət yolu olmuşdur. Mənsəbindən Novqo­rod­-Severski ş.­nədək 535 km məsafədə gəmiçiliyə yararlıdır. Yelnya, Jukovka, Bryansk, Trubçevsk (RF), Çerniqov (Uk­rayna) ş.-­ləri D. sahilindədir.

 Десна чайы.