DÉYVİS, D e v i s (Davis) Uilyam Morris (12.2.1850, Filadelfiya – 5.2.1934, Pasa­ dena) – Amerika geoloqu və coğrafiyaçısı. Harvard Un-­tini bitirmiş (1870), orada da dərs demişdir (1876–1912; 1890 ildən prof.). 1890–1915 illərdə ABŞ-­ın Geoloji Xidmətində işləmişdir. ABŞ­-da, Cənubi Amerika ölkələrində və Qərbi Avropada tədqiqatlar aparmışdır. Yer səthi relyefinin mərhələli inkişaf anlayışına əsaslanan coğ­rafi tsikllər nəzəriyyəsini işləmişdir (1890­-cı illər). İlk olaraq coğrafiya elminə “pene­plen” anlayışını gətirmiş və peneplenləşmə­nin mexanizmini vermişdir. Amerika g e o m o r f o l o q l a r məktəbini yarat­mışdır; fiziki coğ­rafiyanın tədrisi üzrə metodik və­ saitlərin müəllifi­dir. Amerika Coğ­rafiyaçıları Asso­siasiyasının banisi (1904), Amerika Geoloqları Cəmiyyətinin prezidenti (1911) olmuşdur. Fəxri legion ordeni ilə təltif olunmuşdur (1912).