DӘNİZ İQLİMİ – okeanın atmosferə tə­siri çox olan şəraitdə yaranan iqlim növü. Okeanların, həmçinin dəniz hava kütlələ­rinin təsiri altında qalan materik r­-nları üzə­rində müşahidə olunur. D.i.­-nin quruya təsiri, əsasən atmosferin ümumi dövranı nəticəsində yaranır. Materiklərin içərilərinə doğru D.i. tədricən kontinental iqlimə keçir. D.i. il və gün ərzində hava temp­runun az dəyişməsi ilə xarakterizə olunur. Quruya nisbətən su kütləsinin gec qızması və soyuması ilə əlaqədar Şimal yarımkürəsində okean üzərində çox vaxt ən soyuq ay fevral, ən isti ay avqust olur. Cənub yarımkürəsin­də isə bunun əksinədir. D.i. hakim olan r­-nlarda payız yaza nisbətən isti keçir. Eyni enlikdəki quruya nisbətən okean üzərində havanın rütubətliyi və illik yağıntının miq­darı adətən çoxdur. D.i. havası az tozluluğu və yüksək duzluluğu ilə fərqlənir.