ENÓ-PELTRİ (Esnault-Pelterie) Rober Alber Şarl (8.11.1881, Paris – 6.12.1957, Nitsa) – fransız alimi, tәyyarәçi, aviasiya vә kosmonavtika sahәsinin pionerlәrindәn biri. Fransa EA-nın üzvü (1936). 1902 ildә Paris Un-tinin fizika fakültәsini bitirmişdir. Dünyada ilk monoplanın konstruksiyasını vermiş (1906–07), ilk ulduzşәkilli aviasiya mühәrrikini yaratmış, tәyyarәnin idarәolunma sistemini (“idarәetmә dәstәyini”) ixtira etmişdir. Planetlәrarası naviqasiya
nәzәriyyәsini işlәmişdir (kosmik aparatların uçuşunun әn әlverişli trayektoriyalarının hesablamalarını aparmışdır). Raket yanacaqları sahәsindә tәcrübәlәri mәlumdur, ifrat yüksәk sürәtlәr almaq üçün atom enerjisindәn istifadәni tәklif etmişdir. E.-P. aviasiya, aviasiya mühәrriklәri vә s. sahәlәrdәki ixtiralarına 200-dәn çox patent almışdır. Reaktiv hәrәkәt nәzәriyyәsinә aid әsәrlәri nәşr olunmuşdur (1913, 1928, 1930–35). Fransız sәnayeçisi A.Lui Hirş ilә birlikdә astronavtika üzrә ilk beynәlxalq Eno-Peltri–Hirş mükafatını tәsis etmişdir (1927). Aydakı kraterlәrdәn biri E.-P.-nin adınadır.