EPİFİTLƏR (epi...+ yun. φυτόν – bitki) – başqa bitkilәrin, başlıca olaraq ağacların gövdәlәri vә budaqları üzәrindә yaşayan (yarpaqlar üzәrindә yaşayan epifillәr bura aid deyil) vә әtraf mühitdәn (parazitlәrdәn fәrqli olaraq sahib bitkilәrdәn yox) qida maddәlәri alan bitkilәr. Bütün bitki siniflәrindә rast gәlinir. E.-dә havadan su vә mineral duzları (tutmaq) udmaq üçün köklәrdә “kök yuvası” adlanan süngәr örtüklәr (köklәr bir-birinә hörülәrkәn toz vә tökülәn yarpaqlar ora dolur, köklәrin qidalanması üçün “torpaq” әmәlә gәlir), yarpaqların daxili sәthindәki tükcüklәrin sorduğu suyun toplandığı qıf-yarpaqcıqlar, qalınlaşmış kutikula, yarpaqların çox tüklәnmәsi vә s. kimi uyğunlaşmalar yaranmışdır. Tәkamül prosesinә aid bu uyğunlaşmalar kölgәli, rütubәtli meşәlәrin yaşayış şәraiti ilә әlaqәdardır. Ağaclar üzәrindә mәskәn salan, alaqaranlıqdan işığa can atan E. hәtta zәif hava cәrәyanı ilә bir yerdәn başqa yerә yayıla bilәn xırda, yüngül toxumlu bitkilәr ola bilәr.