EPİZOOTİYA  (epi...  vә  yun.  ζῷον  –heyvan ) – müәyyәn әrazi üçün sәciyyәvi olan adi (sporadik) xәstәlik sәviyyәsini xeyli dәrәcәdә yüksәldәn geniş yayılmış yoluxucu heyvan xәstәliyi. E.-nın öyrәnilmәsi epizootologiya mәsәlәlәrinә aiddir. E. epizootik prosesin gәrginlik dәrәcәsini, yәni heyvanlar arasında yoluxucu xәstәliklәrin fasilәsiz yayılmasını vә mikrobdaşıyıcılığını sәciyyәlәndirir. E.-nın baş vermәsi yalnız epizootik zәncir tәşkil edәn qarşılıqlı әlaqәdar elementlәr kompleksinin olması şәraitindә mümkündür: infeksiya törәdicilәrinin  mәnbәyi  (xәstә  heyvan, yaxud mikrobdaşıyan heyvan), infeksiya törәdicisinin yoluxma faktoru (cansız tәbiәt obyektlәri), yaxud canlı daşıyıcılar, hәssas heyvanlar, E.-nın baş vermәsi vә inkişafina xarici mühit amillәrindәn tәbiәt (coğrafi, iqlim, torpaq) vә iqtisadi (tәsәrrüfat vә s.), hәmçinin ictimai fәlakәtlәr (müharibәlәr vә iqtisadi böhranlar) tәsir göstәrir. E.-nın xarakteri, onun davametmә müddәti infeksiya törәdicisinin ötürülmә mexanizmindәn, inkubasiya dövrünün müddәtindәn, xәstә vә hәssas heyvanların әlaqәsindәn, heyvanların saxlanma şәraitindәn vә E.-ya qarşı tәdbirlәrin sәmәrәliliyindәn asılıdır. Mәlum xәstәliklәr zamanı E. üçün onun kortәbii gedişi zamanı xüsusilә aydın tәzahür  edәn  dövriliyi  (bir  neçә  ildәn sonra), mövsümilik, inkişafın mәrhәlәsi xasdır. İnsanın fәal müdaxilәsi, E.-ya qarşı planlı tәdbirlәr aparılması xәstәliyin  qarşısını xeyli dәrәcәdә alır.