ÉRFURT – AFR-in ş.-indә Gera çayı (Elba hövzәsi) sahilindә şәhәr. Türingiya federal әrazisinin inz. m. Əh. 204 min (2010). D.y. qovşağı. Qәdim yaşayış mәskәni olan E.-da 741 ildә eyniadlı yepiskopluq yaranmışdı. Mayns yepiskopluğu tәrkibindә 13 әsrdә özünüidarә hüququ almış, 14–15 әsrlәrdә mühüm ticarәt-sәnәtkarlıq mәrkәzi olmuşdur. E. un-ti 16 әsrdә alman humanizminin mәrkәzlәrindәn biri idi. 17 әsrdә E. iqtisadi әhәmiyyәtini vә özünüidarә hüququnu
itirmişdi. 1802–06 illәrdә Prussiyanın tәrkibindә idi. 1806 ildә Napoleon qoşunları tәrәfindәn tutulmuş, Vyana konqresinin (1814–15) qәrarına görә yenidәn Prussiyaya qaytarılmışdı. 1945 ildәn sovet işğal zonasında olan E. 1949 ildәn ADR-in, 1990 ildәn Türingiyanın paytaxtı kimi AFR-in tәrkibindәdir. 12–14 әsrlәrә aid kilsәlәr, renessans, barokko üslubunda inşa edilmiş evlәr E.-un memarlıq nümunәlәridir. Un-t (1389–1815 illәr; 1994 ildәn yenidәn fәaliyyәtә başlamışdır), Tәtbiqi elmlәr un-ti (1991); elmi kitabxana, bәlәdiyyә arxivinin kitabxanası, rәssamlıq qalereyası, Milli bağçılıq, tәbiyyat tarixi, bәlәdiyyә, antropologiya muzeylәri, zoopark vardır. Hәr il “Garden Show” (Bağ şousu; 1838 ildәn) keçirilir. Elektrotexnika vә elektron mәmulatları, ofis lәvazimatları (o cümlәdәn elektrik yazı makinası, hesablama texnikası) istehsal edilir; ayaqqabı vә tikiş sәnayesi müәssisәlәri fәaliyyәt göstәrir. 

Ерфурт шящяриндян эюрцнцш.