ERİTROBLÁSTLAR  (yun.  erytros  – qırmızı + blastos – cücәrti, rüşeym) – qırmızı qan cisimciklәrinin – eritrositlәrin aralıq inkişaf forması. Mәmәli heyvanlarda vә insanda E. nüvә vә çoxalma qabiliy yәtindәn mәhrum olmuş yetkin eritrositlәrdәn fәrqli olaraq nüvәyә malikdir vә artıb çoxalırlar. İbtidai onurğalılarda (sürünәnlәr, sudaquruda yaşayanlar, balıqlar) qanyaranma qara ciyәrdә, böyrәklәrdә vә qismәn damarlarda baş verir vә burada yetkin eritrositlәrlә yanaşı, E.-a tәsadüf edilir. Ali (istiqanlı) onurğalılarda (quşlar, mәmәlilәr) vә insanda rüşeymin inkişaf prosesindә E. yumurta sarısı kisәsi damar larında әmәlә gәlir, ilkin eritrositlәrә çevrilir vә tez bir zamanda tәlәf olurlar. Onlar insan doğulduqdan sonra sümük iliyindә cәmlәnirlәr, burada hemositoblastlardan әmәlә gәlir vә periferik qanda ancaq patoloji hallarda tәsadüf edilirlәr. E.-ın sayı vә onların çoxalma sürәti anemiyalar zamanı artır. Qanda eritrositlәrin normal sayı bәrpa olunduqdan  sonra  sümük  iliyindә E.-ın azalması başlanır.