ERİTROPOETÍN (yun. erythós – qırmızı + poietikos – әmәlә gәtirәn) – sümük iliyindә eritrositlәrin әmәlә gәlmәsini stimullaşdıran  hormon.  Kimyәvi  tәbiәtinә görә qlikoproteiddir (tәrkibindә 35% karbohidrat var); molekul çәkisi 30–40 mindir, antigen xassәsinә malikdir, neyraminidaza, tripsin, ximotripsin vә papainlә aktivsizlәşir.

İlk dәfә 1906 ildә fransız tәdqiqatçıları P.Korno vә K.Deflandr tәrәfindәn dovşandan götürülmüş qanın zәrdabında tapılmışdır. Normal fizioloji şәraitdә E.-in miqdarı azdır; qanitirmә, tәnәffüs havasında oksigenin azalması, müxtәlif formalı anemiyalar zamanı artır. Tәdqiqatçıların әksәriyyәti hesab edir ki, E. böyrәklәrdә әmәlә gәlir. E. sümük iliyinin lülә hüceyrәlәrinә tәsir edәrәk onların differensiasiyasını eritroid sırasına tәrәf istiqamәtlәndirir.