ERLİTOU  –  Çindә  Xenan  әyalәtinin Yanşi qәzasında Erlitou k. yaxınlığında Tunc dövrünә aid  böyük mәskәnin  qalıqları. Qazıntılar zamanı (1957, 1960–64) 3 inşaat qatı aşkar edilmişdir: evlәr, dulusçuluq emalatxanaları, qәbirlәr, gil stilobatlar (sütunaltlıqları) üzәrindә monumental binanın (tәqr. 100×100 m, ikinci qat) qalıqları. Əritmә putaların, tökmә vә posa üçün keramik formaların qırıqlarının tapıntıları  tunctökmә  istehsalının  (әmәk alәtlәrinin vә silahların hazırlanması) mövcudluğunu tәsdiqlәyir. E. tipli mәskәnlәrә Xenan әyalәtinin, әsasәn, q. hissәsindә rast gәlinir vә Son Neolit dövrü mәdәniyyәti Lunşan ilә İn mәdәniyyәtinin orta mәrhәlәsi (e.ә. 2-ci minilliyin ortaları) arasındakı zamana aid edilir. Bәzi tәdqiqatçılar E. tipli abidәlәri sya tayfaları ilә әlaqәlәndirir, digәrlәri isә -nu İnin ilk hökmdarı Çen Tanın [tәqr. e.ә. 1600 il] paytaxtı hesab edirlәr.