ERNÉSAKS Qustav Qustavoviç (12.12. 1908, Tallin yaxınlığında Perila k. – 24.1.1993, Tallin) – eston xor dirijoru vә bәstәkarı. SSRİ xalq artisti (1956). Sosialist Əmәyi Qәhrәmanı (1974). Tallin konservatoriyasının musiqi pedaqogikası (1931) vә A.Kappın bәstәkarlıq (1934) siniflәrini bitirmişdir. 1941– 45 illәr müharibәsi dövründә Yaroslavldakı  eston bәdii ansamblları xorlarının dirijoru olmuşdur. Estoniya Dövlәt Akademik Kişi Xorunu yaratmış (1944), Respublika mahnı bayramlarının baş dirijoru kimi çıxış etmişdir (1947 ildәn). Yaradıcılığının әsas sahәsi xor janrı olan E. hәm dә Estoniya SSR Dövlәt himninin musiqisinin müәllifi idi. Tallin Konservatoriyasında dәrs demişdir (1937 ildәn; 1945 ildәn prof.). Xor dirijorlarından K.Arenq, Y.Variste, O.Oya onun şagirdlәri olmuşlar. E. 5 operanın, kantataların, bir çox xor әsәrlәrinin müәllifidir. Lenin ordeni ilә tәltif olunmuşdur, SSRİ Dövlәt (1947, 1951), Estoniya SSR Dövlәt (1947, 1948, 1949, 1950, 1959, 1965) mükafatları laureatıdır.