DİSKÓNT (ing. discount – endirim, çıxma, fәrq) – 1) әmtәә bazarında nağd pula, yaxud kütlәvi satılıb-sovulma dövründә satılan әmtәәlәrin
qiymәtlәrindә endirim.

2) Bankların veksel әmәliyyatlarında vekselin alınması (uçotu) zamanından onuн ödәnilmәsi möhlәtinә qәdәr bankın tutduğu faiz. Bankın veksel üzrә ödәdiyi mәblәğ aşağıdakı düsturla müәyyәn olunur:

burada Σ_юд. – bankın ödәdiyi mәblәğ; Σ_ном. – vekselin nominal dәyәri; Uç.st. – bankın uçot stavkasıdır.

Veksel onun möhlәtinin istәnilәn dövründә hesablanarsa, onda vekselin ödәnilmәsi (uçotu) aşağıdakı düsturla müәyyәn olunur:

burada D_qalıq – vekselin ödәnilmә gününәdәk qalan günlәrin sayı; D_illik – bir ildәki günlәrin (adәtәn 360) sayıdır. 

3) Valyuta bazarında tәcili valyuta әmәliyyatları üzrә valyutaların kotirovkası zamanı nağd sövdәlәşmәlәr üzrә valyuta mәzәnnәsindә endirimi (fәrqi) ifadә edir (әgәr sövdәlәşmәnin başlanması ilә yerinә yetirilmәsi tarixlәri arasındakı dövrdә valyuta mәzәnnәsinin azalmasına proqnozlaşdırılırsa). Burada D. mәzәnnәsi yüksәlәn valyuta üzrә “mükafat” (Pm) anlayışı әks mәna bildirir.

4) Fond bazarında qiymәtli kağızlar üzrә D. satış zamanı onların nominal dәyәrindә (%-lә) edilәn endirimi (mükafatdan fәrqli olaraq) göstәrir. Mәs., 1000 dollar nominallı istiqrazlar 900 dollara, yәni 10% D. ilә satılır. Demәli, D. qiymәtli kağızların satışı vә ödәnilmәsi mәzәnnәsi arasındakı fәrqi dә göstәrir. Diskont qiymәtli kağızlar (istiqrazlar) endirimlә satılır, nominal üzrә isә ödәnilir. Emitent üçün D. onun qiymәtli kağızlarını alan investora faizin ödәnilmәsi möhlәtinin uzadılmasıdır.

5) Pul dövriyyәsinә aid edildikdә D. bәzi pulların (mәs. kağız, yaxud daha әvvәl buraxılan) paralel şәkildә dövriyyәdә olan digәr pullara (mәs., qızıl vә gümüş sikkәlәr, yaxud denominasiya, pul islahatları zamanı dövriyyәdәn çıxarılan köhnә buraxılış kağız pullara) nisbәtәn qiymәtdәn düşmәsini bildirir.