ESTRİÓL, C18H24O3 – ikinci dәrәcәli qadın cinsiyyәt hormonu.
Qadınların yumurtalıqlarının follikulyar aparatında hazırlanır. Az miqdarda isә hәr iki cinsin böyrәküstü vәzisinin qabığında vә kişilәrin xayasında yaranır. Kimyәvi qurluşuna görә E. steroid hormondur. E. insan orqanizmindә olan üç tәbii estrogenlәrdәn (estradiol, estron vә estriol) әn qısa yarımxaricolma dövrünә vә әn az bioloji aktivliyә malik olanıdır. Bununla bәrabәr,
E. hamilәlik zamanı uşaqlığın böyümә vә inkişaf proseslәrindә mühüm rol oynayır, belә ki, döl cifti çox böyük miqdarda E. istehsal edir (sonradan isә dölün qara ciyәri dә E. hazırlayır). Hamilәlikdәnkәnar dövrdә E. hormonu qadın orqanizmindә çox az konsentrasiyada olur. E. uşaqlığın damarlarında qan cәrәyanını yaxşılaşdırır, onların müqavimәtini azaldır vә dölün yetkinlәşmәsi vaxtı süd vәzilәri axacaqlarının inkişafını tәmin edir. Qan zәrdabında E.-un analizi (sәrbәst E.) hәkimә ana bәtnindә dölün inkişafında pozuntuların olma ehtimalı haqqında mühakimә yürütmәyә imkan verir. E. bәzi bitkilәrin (buğda, söyüd vә s.) meyvәlәrindә, çiçәklәrindә tapılmışdır. Onun yem bitkilәrindә çox olması bәzәn heyvanın xәstәlәnmәsinә vә süd sağımının azalmasına sәbәb olur.
