EŞİTMƏ APARATLARI – eşitmә pozuntularının müxtәlif davamlı formalarında tibbi göstәriş әsasında istifadә olunan elektron sәsgüclәndirәn cihazlar. Müasir E.a. üç әsas hissәdәn ibarәt elektroakustik qurğudur [sәsi qәbul edәn vә onu elektrik siqnalına çevirәn – mikrofon, mikrofondan siqnalı qәbul edәn vә sonra onu resiverә göndәrәn – güclәndirici vә hәqiqi resiver (telefon)]. Sәs siqnalını ötürmә üsuluna görә E.a. iki әsas kateqoriyaya bölünür: sümük vә hava keçiricili E.a.; sümük keçiricili E.a. ancaq eşitmәnin ağır pozuntuları zamanı cәrrahi әmәliyyat yolu ilә möhkәmlәndirilir. Hava keçiricili E.a.-nı hәkim-surdoloq seçmәli vә köklәmәlidir. Konstruktiv istifadәsinә görә – qulaqarxası, qulaqiçi, cibdә gәzdirilәn, çeşmәk sağanağında, baş sancağında, implantasiya olunan formada E.a. var. Qulaqarxası E.a. qulağın arxasında yerlәşdirilir vә elektronika (güclәndirici, mikrofon vә sәsi yayan) yerlәşdirilәn korpusdan ibarәtdir. Güclәndirilmiş vә yeni şәklә salınmış  sәs tәbil pәrdәsinә qulaq içliyi vasitәsilә çatır. O, adәtәn, pasiyentin qulağının quruluşuna uyğun hazırlanır vә fışıltını (akustik әks әlaqә effekti) lazımi qәdәr azaltmaq, E.a.nın effektivliyini maks. dәrәcәyә çatdırmaq, habelә aparatı gәzdirәrkәn qulaqda narahatlığı aradan qaldırmaq üçündür. Q u laqiçi  E. a. fәrdi hazırlanır. Belә aparatların üstünlüyü onların nәzәrә az çarpmasıdır.

Hazırda kiçikölçülü qulaqar xası E. a. daha kütlәvi istifadәdәdir. Sәs keyfiyyәtinә görә bunlar çox vaxt qulaqdaxili aparatlardan üstün olur vә nәzәrә çarpmamasına görә dә әlverişlidir.

Son zamanlar RİC (Reciever in Channel – Reciver Kanalda) texnologiyası ilә hazırlanmış qulaqarxası E.a. yaradılmışdır.

Bu aparatların әvvәlkilәrdәn fәrqi telefonun qulaqarxası aparat korpusunda deyil, bilavasitә pasiyentin qulaq keçәcәyindә yerlәşmәsidir. Bu, “әks әlaqә”nin (fışıltının) başvermә riskini mühüm dәrәcәdә azaldır, hәmçinin E.a. korpusunun daha kiçik ölçüdә hazırlanmasına imkan verir.