ETİLENDİAMİN, 1,2-diaminetan – әn  sadә  alifatik  diamin,  H₂NC₂H₄NH₂; amin iyli, havada tüstülәnәn rәngsiz qaz; t_qayn. 117°C, sıxlığı 896,6 kq/m³. Su ilә (qızdırıldıqda) vә әksәr üzvi hәlledicilәrlә qarışır, karbohidrogenlәrdә hәll olmur. E. diaminlәrin kimyәvi xassәlәrinә malikdir.

E. birәsaslı karbon turşuları ilә qızdırıldıqda mono- vә diamidlәr alınır; yüksәk temp-r vә tәzyiqdә katalizator iştirakı ilә öz-özünә kondenslәşmәsindәn piperazin әmәlә gәlir. E. 1,2-diketonlarla 2,3-dihidropirazinlәr; karbamid ilә 2-imidazolidinon; ClCH₂COOH vә ya CH₂O vә HCl qarışığı ilә etilendiamintetraasetat turşusu; alkilhalogenidlәrlә mono- vә diәvәzli mәhsullar; dihalogenidlәrlә kation polimer mәhsullar (suda hәllolan vә ya gelşәkilli) әmәlә gәtirir; akrilnitril ilә sianetillәşir. E. dixloretanın NH₃ ilә (maye vә sulu) 100°C temp-rda reaksiyasından vә ya monoetanolaminin NH₃ ilә qarışığının 150– 230°C-dә katalitik hidrogenlәşmәsindәn alınır.
E. fenol-formaldehid qatranların vә poliuretan liflәrin plastifikatorlarının komponenti kimi;  sürtkü yağlarını vә kauçuk latekslәri stabillәşdirmәk üçün poliuretan vә termoplastik adgezivlәr;  etilendiamin- tetraasetat turşusunun, fungisidlәrin (mәs., sineba, polimarsin), motor yağları üçün  aşqarların, dәrman vasitәlәrinin vә s. alınmasında istifadә edilir. E. yuxarı tәnәffüs yollarının selikli qişasını vә dәrini qıcıqlandırır, qara ciyәri zәdәlәyir.