DİVERGÉNSİYA, i q t i s a d i y y a t d a – mikro- vә makrosәviyyәdә idarәetmәnin tәşkilati-hüquqi forma vә sxemlәrinin keyfiyyәt müxtәlifliyinin artması, mövcud münasibәt sistemlәrinin mürәkkәblәşmәsi vә yenilәrinin yaranması. Ayrılan xәtlәr üzrә hәrәkәti: ayrı-ayrı ölkәlәrin inkişaf sәviyyәlәri, milli iqtisadiyyat modellәri, onların ayrı-ayrı strukturları vә mexanizmlәri arasındakı fәrqin artmasını göstәrir.

“D.” anlayışı “konvergensiya” anlayışının әksidir. Reallıqda divergensiya vә konvergensiya proseslәri bir-birinә fasilәsiz qarşılıqlı tәsir göstәrmәklә irәlilәyişi, bütün mövcud ictimai orqanizmlәrin stabil inkişafını vә fәaliyyәtini tәmin edir. Mәs., dünya iqtisadiyyatında hәm konvergensiya proseslәri, yәni getdikcә daha çox ölkәni dünya iqtisadiyyatının ümumi mәcrasına yönәltmәklә müxtәlif ölkәlәrin iqtisadiyyatlarının yaxınlaşması, hәm dә D. proseslәri – borclu ölkәlәr ilә kreditor ölkәlәr arasında fәrqin kәskinlәşmәsi müşahidә olunur. BMT-nin mәlumatlarına әsasәn, adambaşına düşәn gәlirin mütlәq hәcminә görә dünyadakı әn varlı ölkәlәrin 1/5-i ilә әn kasıb ölkәlәrin 1/5-i arasında D. dәrinlәşir.