ETİSAMİ    Pәrvin    (17.3.1907,    Tәbriz    – 23.3.1941,  Qum)  –  Azәrb.  әsilli  İran  şairәsi.  Etisamülmülk  tәxәllüsü  ilә  çıxış  edәn atası   Yusif   Etisami   yazıçı   vә   tәrcümәçi olmuşdur.   E.   kiçik   yaşlarından   Tehrana köçmüşdür.   İlk   tәhsilini   atasından   almış, әrәb vә  fars  dillәrini  öyrәnmişdir.  1924  ildә Tehranın   “Amerika  qızlar   mәktәbi”ni   bitirmiş,   bir   müddәt  orada  dәrs  demişdir. 1935 ildә ilk  şeir   mәcmuәsi   nәşr  olunmuşdur.   1936   ildә   Maarif   Nazirliyi   tәrәfindәn  Üçüncü  Elmi  Dәrәcә  nişanı  ilә  tәltif edilmiş,   hәmin  nazirliyә   işә   qәbul   olunmuşdur.  Lakin  hakim  dairәlәrin  istibdadına cavab   olaraq   Rza   Şahın   arvadına  dәrs demәk  tәklifini  qәbul  etmәmiş,  elmi  dәrәcә nişanından   imtina   etmişdir.

E. fars dilindә yazmışdır. Divanı qәsidәlәr, qәzәllәr, qitәlәr, mәsnәvilәr, üçbeytlәr vә tәkbeytlәrdәn ibarәt olub, ümumilikdә 5606 beyti әhatә edir. Ölümündәn bir neçә il әvvәl әsәrlәrinin bir hissәsini bәyәnmәdiyi üçün yandırmışdır. Yaradıcılığında didaktika vә lirizm üstünlük tәşkil edir. Dili sadә vә axıcıdır. Şeirlәrindә öz şәxsiyyәti demәk olar ki, әks olunmamışdır. Əsasәn, sosial vә siyasi problemlәrdәn uzaq olsa da, bәzi şeirlәrinә hәmin motivlәri daxil etmişdir. “Bizim şimşәyimiz varlıların zülmüdür”, “Ey rәncbәr”, “Qarabәxtli”, “Qoca qadının şikayәti” şeirlәrindә yoxsulların hәyatını tәsvir etmiş, istibdadı tәnqid atәşinә tutmuş, xalqı inqilaba sәslәmiş, dövlәtin әdalәtsiz siyasәtinә qarşı çıxmışdır. Əsәrlәrindә bәşәri idealların tәsviri üstündür. E. üslub cәhәtdәn hәm özündәn әvvәlki şairlәrdәn, hәm dә müasirlәrindәn fәrqlәnsә dә, yaradıcılığında klassik әdәbiyyatın tәsiri güclüdür.