ETNOSOSİOLOGİYA (etnik sosiologiya) – sosiologiya, etnoqrafiya vә tarixin kәsişmәsindә meydana gәlәn fәnn. E.-nın әsas predmeti ümumi sosioloji hadisәlәrin vә proseslәrin etnik әsaslarla qarşılıqlı әlaqәsidir. E.-nın әsas mövzusu: әhalinin sosial strukturu vә  miqrasiyasına milli faktorun tәsiri; әmәk resurslarından etnik mәnsubiyyәti nәzәrә almaqla istifadә olunması vә rasional qaydada bölüşdürülmәsi; millәtlәrarası münasibәtlәrin, milli şüurun sosial determinlәşdirilmәsi; etnik münaqişәlәr; sosial qrupların dәyәr oriyentasiyalarının, vәrdişlәrinin, mәdәni maraqlar vә tәlәbatın milli xüsusiyyәtlәri vә s.

E.-da qarşılıqlı әlaqәdә, ancaq bir-birindәn asılı olmayan iki istiqamәt var: ümumi sosial hadisәlәrin etnik xüsusiyyәtlәrinin öyrәnilmәsi vә xüsusi etnik әlamәtlәrin (milli özünüdәrk, dillәr, adәtlәr vә mәdәniyyәtin başqa elementlәri) öyrәnilmәsi.