DNEPR – Rusiya, Belarus vә Ukraynada çay; böyüklüyünә görә Avropada üçüncüdür (Volqa vә Dunaydan sonra). Uz. 2285 km, hövzәsinin sah. 504 min km². Valday yüksәkliyindәn başlanır, Qara dәnizin Dnepr limanına tökülür. Y u x a r ı  a x ı n ı n  da (mәnbәyindәn sağ qolu Pripyat çayının töküldüyü yerәdәk – 1230 km) sahillәri düzәn, meşәli, bәzәn bataqlıqdır. Doroqobuj ş.-ndәn aşağı tәpәli sahәdәn keçir; Orşa ş. yaxınlığında qumdaşından ibarәt tirәni kәsib keçәrәk Kobelyak astanalarını әmәlә gәtirir. Mogilyov ş.-ndәn aşağıda D.-in dәrәsi genişlәnir, subasarının eni 6–10 km-ә çatır; dolanbaclı çay yatağı qollara parçalanaraq çoxlu adalar vә dayazlıqlar әmәlә gәtirir. Yuxarı axınında әsas qolları sağdan Drut, Berezina, Pripyat, soldan Sojdur. A ş a ğ ı  a x ı n ı n d a dәrәsi daha genişdir; sağ sahili yüksәk, sıldırımlı, sol sahili yastıdır; Qaradәnizyanı ovalıqdan keçir. Xerson ş.-ndәn başlayaraq çay yatağı çoxsaylı qollara ayrılaraq mәnsәb yaradır. Aşağı axının әsas qolları sağdan Teterev, Ros, Bazavluk, İnqulets, soldan Desna, Sula, Psyol, Vorskla vә Samaradır. D.-in aşağı axınında altı su anbarı (Kiyev, Kanev, Kremençuk, Dneprodzerjinsk, Dnepr, Kaxov) yaradılmışdır. 

 Днепр чайы. Кийев ш. (Украйна).

D.-in mәnsәbindә ortaillik su sәrfi 1650 m3/san, illik axım tәqr. 52 km³-dir. Qarışıq mәnbәdәn qidalanır. Dekabrdan martadәk donur. Hövzәsindә ümumi sahәsi 7500 km² olan 9 mindәn çox göl vә su anbarları vә ümumi sahәsi 284 km² olan 6,5 min gölmәçә var.

Su anbarlarından iri şәhәr vә İES-lәrin su tәminatında istifadә olunur. Dnepr– Krivoy-Roq, Dnepr–Donbas, Şimali Krım kanalları D.-dәn başlanır. D. mәnsәbindәn 1677 km mәsafәdә gәmiçiliyә yararlıdır. Üzәrindә SES-lәr var. Smolensk (Rusiya), Mogilyov (Belarus), Kiyev, Çerkassı, Kremençuk, Kamenskoye, Dnepr, Zaporojye, Nikopol, Xerson (Ukrayna) şәhәrlәri D. sahilindәdir.