ETSAKOLAR  –  Nigeriyanın  c.-unda xalq. Sayları tәqr. 274 min nәfәrdir (1995). Niger-Kordofan dil ailәsinin kva qrupuna daxil olan edo dilinin  dialektlәrindә danışırlar. Dindarları müsәlmandır, bir çoxu әnәnәvi etiqadlarını saxlayır.

E. özlәrini Beninindәn gәlmә hesab edirlәr. Bu faktı tarixi, etnoqrafik vә linqvistik mәlumatlar da tәsdiqlәyir. 9 tayfaya bölünürlәr. 19 әsrin ikinci yarısında onların torpaqlarına gәlmiş vә islamı gәtirmiş yorubaların vә xüsusilә nupelәrin güclü tәsirinә mәruz qalmışlar. Əsas mәşğuliyyәtlәri tarlalarda toxa әkinçiliyidir (yams, qarğıdalı, palmanın müxtәlif növlәri). Cüzi miqdarda әtlik qaramal, çox sayda qoyun, keçi, ev quşları yetişdirirlәr. Ovçuluq vә balıqçılıq әhәmiyyәtini qismәn saxlamışdır. Sәnәt sahәlәrindәn dәmirçilik, toxuculuq, ağac üzәrindә oyma; qonşu xalqlarla ticarәt inkişaf etmişdir. İcma bilateral qohumluğa әsaslanan böyük ailәlәrdәn ibarәtdir. Nikah virilokal, yaxud uksorilokaldır. Müvafiq olaraq nikah adәtlәri vә mәrasimlәri dә bir-birindәn fәrqlәnir. Yaş siniflәri sistemi böyük rol oynayır. Mәskәnlәr bir qayda olaraq xәtti tiplidir: müstәmlәkә dövründә avropalılar tәrәfindәn çәkilәn yolların kәnarlarında mәskunlaşmağa başlamışlar. Düzbucaq planlı malikanәlәri yaşayış vә tәsәrrüfat tikililәrindәn ibarәtdir. Ənәnәvi evlәri düzbucaqlı, bir vә ya ikimәrtәbәli, әsasәn, çoxkameralı, bәzәn aynabәndlidir. Şüvül, yaxud dirәklәrdәn olan divarları gillә suvanır, palma yarpaqlarından, külәş, yaxud otdan iki vә ya dördyamaclı damı Ənәnәvi geyimlәri belә vә sinәyә dolanmış ağ, yaxud ağ-göy zolaqlı parçadır. Hazırda avropasayağı kostyumun elementlәri ilә tamamlanır.