EV MİLÇƏYİ (Musca domestica) – әsl milçәklәr fәsilәsindәn cücü. Uz. 6– 8 mmdir. 2 yarımnövü var. Tipik yarımnövü olan M.d.domestica Yer kürәsinin mülayim qurşaqlarında, çöl, meşә-çöl vә meşә zonalarında, c. forması M.d.vicina isә orta qurşağın c. enliklәrindә, subtropik vә tropik qurşaqlarda, Cәnubi Qafqazda, Orta Asiya vә Cәnubi Primoryedә yayılmışdır. Hәftәdә uz. 1–1,2 mm-әdәk olan 120 (ümumiyyәtlә, 900) yumurta qoyur. Yumurtalar 8–50 saata inkişaf edir. Bağırsaq infeksiyalarının törәdicisi vә qurd yumurtalarının daşıyıcısıdır. Mübarizә tәdbirlәr i: peyini kip bağlanmış anbarlarda saxlamaq, zibili vaxtında atmaq, evlәrdә vә qaramal saxlanan hәyәtlәrdә (tövlәlәrdә) tәmizliyә riayәt etmәk; ayda bir dәfә xlorofos preparatları tәtbiq etmәk, yumurta vә sürfәlәrin olduğu yerlәri karbofos, kreolin, solventnafta preparatları ilә dәrmanlamaq vә s.