EVAPOROQRAFİYA  (lat.  evaporo  – buxarlandırıram vә yun. gràpho – yazıram) – obyektlәrin mәxsusi (adәtәn İQ) iştilik şüalanması zamanı onların xәyallarının alınması  üsulu.  1929  ildә  alman  fiziki M.Çerni tәklif etmişdir. E. üsulu qaraldılmış 3 membranından (şәkil) mayenin 4 vakuum kamerasına buxarlanmasına (vә ya әksinә, әvvәlcәdәn kameraya daxil edilmiş buxarın membranda mayeyә kondensasiyasına) әsaslanır. 1 obyektini 2 obyekti ilә 3 membranına proyeksiyalayırlar, obyektin xәyalını isә buxarlanmanın (vә ya kondensasiyanın) müxtәlifliyinә uyğun olaraq membranın müxtәlif nöqtәlәrindә qabarıq şәkildә olan (5) maye halında alırlar vә ona ya interferensiya rәnglәrindә gözlә baxırlar, ya da onun fotoşәklini çәkirlәr. Praktikada İQ oblastda 10 mkm-ә qәdәr uzunluqda xәyalları almaq mümkün olur. E.-dan qaranlıqda müşahidә aparmaq vә fotoşәkil çәkmәk, cisimlәrin mәxsusi İQ şüalanmasını qeyd etmәk, temp-ru vә obyektin sәthindә onun paylanmasını (o cümlәdәn tibbi diaqnostikada) mәsafәdәn ölçmәk, İQ lazer dәstәlәrini vizuallaşdırmaq vә s. mәqsәdilә istifadә edilir.

Еvaporoqrafiyada хяйалын alыnmasы sxemi.