EVKLİD ALQORİTMİ – iki tam әdәdin, iki çoxhәdlinin әn böyük ortaq bölәninin vә ya iki parçanın ortaq uzunluqlarının tapılması üsulu. Hәndәsi formada Evklid tәrәfindәn verilmişdir. a ≥ b şәrtini ödәyәn müsbәt a vә b әdәdlәri üçün E.a. aşağıdakı kimidir: a әdәdi b әdәdinә qalıqlı bölündüyü hal üçün a = nb + b₁ nәticәsini alırıq, burada n qismәti müsbәt tam әdәddir, b₁ qalığı isә ya sıfırdır, ya da b-dәn kiçik müsbәt tam әdәddir, 0 ≤ b₁ ≤ b. Hәr hansı k natural әdәdi üçün b_k+1= 0 qalığı alınana qәdәr ardıcıl bölmә aparılır:

 Bu prosesdә sonuncu müsbәt b_k  qalığı a vә b  әdәdlәrinin әn  böyük ortaq bölәni olar. Çoxhәdli vә ya parça halında da oxşar әmәliyyat aparılır. Ortaq ölçüsüz parçalar, yәni  uzunluqları  nisbәti  irrasional  olan parçalar üçün E.a. sonsuz әmәliyyatdır.