DORÓNİKUM (Doronicum) – mürәkkәbçiçәklilәr (astrakimilәr) fәsilәsindәn bitki cinsi. Avropa vә Asiyanın mülayim qurşaqlarında tәqr. 30 növü mәlumdur. Uz. 1 m-әdәk olan, әsasәn, dikduran gövdәli, kökümsovlu çoxillik otlardır. Yarpaqları iri, sadә, qalın, çox vaxt cod tüklәnmiş olur; alt yarpaqlar uzunsaplaqlı, kökәtrafı rozetdә toplanmışdır, gövdә yarpaqları oturaq, növbәlidir. Çiçәk qrupu tәk sarı sәbәtcikdir; kәnar çiçәklәri dilcikşәkilli, ortadakılar – boruvarı, 2 cinsiyyәtlidir. Azәrb.-da 2 növü (D. macrophyllum, D. oblongifolium) var. Nax.-da yuxarı dağ qurşağından Alp qurşağınadәk (3000 m), ot bitkiliyi tәrkibindә, dağ meşәlәrindә, dağ çayları dәrәsindә rast gәlinir. May–iyun aylarında çiçәklәyir. Toxumcası uzunsovdur. Şaxtayadavamlıdır, yarımkölgәliyi sevir Gülçülükdә qrup әkinlәrindә 7–10 növü, daha çox Şәrq D.-u (D.orientale) istifadә edilir. D. yaxşı drenaj edilmiş, üzvi maddәlәrlә zәngin yüngül qranulometrik tәrkibli torpaqlarda әkilir. Kökümsovların bölmәklә vә toxumlarla çoxaldılır. 

Шярг дороникуму (Doronicum orientale).