EVROPİUM (lat Europium), Eu – kimyәvi element; elementlәrin dövri sisteminin III qrupunda yerlәşir; lantanoidlәrә aiddir, at. n. 63, at.k. 151,964. Tәbiәtdә iki stabil izotopu var: ¹⁵¹Eu (47,81%) vә ¹⁵³Eu (52,19%). Yer qabığında E.-un miqdarı kütlәcә 1,3·10^–4 %-dir. E.-u 1901 ildә fransız kimyaçısı E. Demarse kәşf etmişdir; Avropanın şәrәfinә adlandırılmışdır. Atomun xarici elektron tәbәqәlәrinin konfiqurasiyası 4f⁷5s²5p⁶6s². Birlәşmәlәrdә oksidlәşmә dәrәcәsi әsasәn +3, nadir hallarda +2-dir. E. gümüşü metaldır; kristal qәfәsi hәcmdә mәrkәzlәşmiş kubdur; t_әr. 826°C, t_qayn.  1527°C,  sıxlığı  5244  kq/m³.  İstilik neytronlarının tutulmasının en kәsiyi 45∙10^–26 m².

Digәr nadir-torpaq elementlәri kimi yüksәk kimyәvi fәallığı ilә sәciyyәlәnir; metallik E. havada tәdricәn oksidlәşir.

E. Eu₂O₃-ün metaltermiki reduksiyasından, hәmçinin EuCl₃ әrintisinin elektrolizindәn alınır. E.  neytron  uducusu  kimi (nüvә reaktorlarında), birlәşmәlәri lüminofor komponentlәri kimi (televiziya vә lazer texnikasında) tәtbiq olunur. Radioaktiv izotoplarından ¹⁵⁴Eu (T_1/2  8,59 il) vә ¹⁵⁵Eu (T_1/2 4,76 il) γ-defektoskopiyada, 1⁵⁵Eu tibbi diaqnostikada vә isifadә edilir.