DOYZİ Eduard Adelbert, (13.11.1893, İllinoys ştatı, Hyum – 23.10.1986, Montana ştatı, Sent-Luis) – Amerika biokimyaçısı, ABŞ Milli EA üzvü (1938), Nobel mükafatı laureatı (1943). İllinoys Un-tini bitirmişdir (1916). Sent-Luis Un-tindә prof. (1923 ildәn), biokimya şöbәsinin müdiri (1924 ildәn; 1965 ildәn fәxri müdir) olmuşdur. Bir sıra öd turşularını kәşf etmiş, onların sintezini hәyata keçirmişdir. İlk dәfә qadın cinsiyyәt hormonları olan esteronu (1929, A.Butenandt ilә eyni vaxtda) vә estradiolu (1935) kristal halda almışdır. H.Dam K vitaminini kәşf etdikdәn sonra, onun strukturunu öyrәnmiş, quruluşunu müәyyәnlәşdirmişdir; iki müxtәlif fәal K₁(yoncadan alınmış) vә K₂ (balıq unundan) formalarını indentifikasiya etmişdir. D. kolleqaları ilә birlikdә tәbii K vitaminindәn iki dәfә fәal olan K₃ vitaminini (menadion) sintez etmişdir.