EYKEN (Eucken) Rudolf (5.1.1846, Prussiyanın Aurix ş. – 15.9.1926, indiki Almaniyanın Yena ş.) – alman idealist filosofu. Nobel mükafatı laureatı (1908). İ.Q.Fixtenin davamçısı, “ruhun metafizikası” konsepsiyasının banisi. Bazeldә (1871 ildәn) vә Yenada (1874 ildәn) fәlsәfә prof.-u. Pozitiv-naturalist dünyagörüşün әleyhinә olmuş, idealist metafizikanın dirçәldilmәsi   ideyası   ilә çıxış etmişdir. Mәnәvi dünyanın әbәdilik vә vәhdәtini, mütlәq mәnası vә dәyәrini tәsdiqlәyәn E. onun yalnız psixoloji hadisә deyil, hәm dә әbәdi dәyәr olaraq dәrkinin “nooloji” (yun. nóos – zәka, ruh) metodunu inkişaf etdirmişdir. E. yeni dini hәyat sisteminin yaradılmasına çağırır vә onun mәrkәzindә yetkin şәxsiyyәti tәsәvvür edirdi. O, mәnәvi hәyatın әxlaqi başlanğıc üzәrindә qurulduğunu düşünürdü. Lakin dinә mәnәvi hәyatın mütlәq әsası kimi yanaşaraq, onun tarixi formalarını tәnqid edir, kilsәyә mәnfi münasibәt bәslәyirdi.