ÉYLER TƏNLİKLƏRİ, 1) mexanikada – bәrk cismin hәrәkәtinin öyrәnilmәsi zamanı mexanikada istifadә edilәn dinamik vә kinematik tәnliklәr; 1765 ildә L.Eyler vermişdir. 

Dinamik E.t. bәrk cismin tәrpәnmәz nöqtә әtrafındakı hәrәkәtinin diferensial tәnliklәrini tәsvir edir vә aşağıdakı şәkildә olur:

I_xw^·_x + (I_z – I_y)w_yw_z = M_x,

I_yw^·· _y + (I_x – I_z)w_zw_x = M_y,      (1)

I_zw^· _z + (I_y – I_x)w_xw_y = M_z,

burada I_x, I_y, I_z – sükunәtdә olan nöqtәdәn keçәn әsas inersiya (әtalәt) oxlarına nәzәrәn cismin әtalәt momentlәri; w_x, w_y, w_z –  bu oxlar üzәrindә ani bucaq sürәtinin proyeksiyaları; M_x, M_y, M_z – cismә tәsir edәn qüvvәlәrin hәmin oxlara nәzәrәn baş momentlәri; w^·_x, ·w_y, w^·_z – w_x, w_y, w_z-in zamana görә törәmәlәridir.

Kinematik E.t. w_x, w_y, w_z ifadәlәrini φ, ψ, θ_z Eyler bucaqları vasitәsilә verir vә bu şәkildә olur:

(1) vә (2) tәnliklәr sistemi cismin hәrәkәt qanununu bilmәklә, ona tәsir edәn qüvvәlәrin momentini vә әksinә, cismә tәsir edәn qüvvәlәri bilmәklә, onun hәrәkәt qanununu tәyin etmәyә imkan verir.

2) Hidrodinamikada – ideal mayenin hәrәkәtinin Eyler dәyişәnlәri ilә ifadә edilmiş diferensial tәnliklәri. Əgәr p tәzyiqinә, r sıxlığına, maye hissәciklәrinin u, v, w sürәtlәrinin proyeksiyalarına vә tәsir edәn X, Y, Z hәcmi qüvvәlәrin proyeksiyalarına x, y, z fәza nöqtәlәrinin koordinatlarının vә t zamanının (Eyler dәyi- şәnlәri) funksiyaları kimi baxılarsa, E.t. düzbucaqlı Dekart koordinat sistemindәki oxlar üzәrindә proyeksiyalarda

 olacaq.

Hidromexanikanın ümumi mәsәlәlәrinin Eyler dәyişәnlәri vasitәsilә hәlli ona gәtirir ki, X, Y, Z-i, hәmçinin başlanğıc vә sәrhәd şәrtlәrini bilmәklә u, υ, w, p, r-nu x, y, z vә t-nin funksiyaları kimi tәyin etmәk olur. Bunun üçün Eyler dәyişәnlәri ilә ifadә edilmiş kәsilmәzlik tәnliyini E.t.-nә әlavә edirlәr:

Barotrop maye halında (yәni sıxlıq yalnız tәzyiqdәn asılıdır) 5-ci tәnlik r = φ( p) (vә ya maye sıxılmayan olduqda r = const) hal tәnliyi olacaq. E.t. hidromexanikanın müxtәlif mәsәlәlәrinin hәlli zamanı istifadә edilir.