DRİQÁLSKİ (Drygalski) Erix fon (9.2.1865, Köniqsberq – 10.1.1949, Münxen) – alman geofiziki vә qütb tәdqiqatçısı. Köniqsberq, Bonn vә Leypsiq un-tlәrindә tәhsil almışdır. Qrenlandiyanın q. sahillәrindә materik buzlaqlarını tәdqiq etmәk mәqsәdilә Berlin coğrafiyaçıları cәmiyyәti tәrәfindәn tәşkil edilmiş iki ekspedisiyaya (1891 vә 1892 – 93) rәhbәrlik etmişdir. 1899 –1906 illәrdә Berlin Un-tindә dәrs demiş, 1901–03 illәrdә “Hauss” gәmisindә alman Antarktida ekspedisiyasının rәhbәri олмушдур. 1902 ildә sonradan II Vilhelm Torpağı adını almış Antarktida әrazisini, habelә özü adlandırdığı Hauss d.-nı kәşf vә tәdqiq etmişdir. 1906–35 illәrdә Münxen Un-tinin prof.-u. Hәrәkәt edәn buzlar nәzәriyyәsini inkişaf etdirmişdir. 1910 –12 illәrdә Arktikada dirijabllardan istifadәnin mümkünlüyünü öyrәnmәk mәqsәdilә Şpitsbergen arxipelaqına tәşkil olunmuş ekspedisiyada iştirak etmişdir. Kraliça Mod Torpağında dağlara, Viktoriya Torpağında şelf buzlağına, Deyvis dәnizindә adaya D.-nin adı verilmişdir.