ДRONTLAR (Raphidae) – göyәrçin kimilәr dәstәsindәn uçmayan quş fәsilәsi; 17–18 әsrlәrdә nәsli kәsilmişdir. Maskaren a-rının tropik meşәlәrindә yaşamışlar. Uz. 1 m-әdәk, kütlәsi 20 kq-dan çox olmuşdur. D.-ın adaların tәcridolunma şәraitindә ayrılmış uçan kiçik göyәrçinlәrdәn törәndiyi ehtimal olunur. Quru yırtıcılarının yoxluğu D.-ın uçmaq qabiliyyәtinin itmәsinә vә qiqantizmә sәbәb olmuşdur. Onlarda döş tili, qanadın bütün hissәlәrinin skeleti, korakoid vә cinaq sümüyü xeyli reduksiyaya uğramış, lakin çanaq vә çox aralı 4 barmağı olan qısa güclü ayaqları yaxşı inkişaf etmişdi. Quyruğu qısa idi. Dişilәri erkәklәrindәn kiçik olmuşdur. Rәng detallarına görә fәrqlәnirmişlәr. 2 cinsi, 3 növü: boz dront, yaxud dodo (Raphus cucullatus); ağ, yaxud burbon D.-ı (R. solitarius); abdal D. (Pezophaps solitaria). Ayrı-ayrı cütlüklәr şәklindә yaşamışlar. Әsasәn, bitkilәrlә qidalanırmış. Budaqlardan vә yarpaqlardan torpaq üzәrindә düzәltdiklәri yuvaya 1 yumurta qoyurmuşlar. Hәr iki valideyn kürt yatırmış. Avropalıların arxipelaqı kәşf etmәsindәn sonra insanların bu sadәlövh quşları birbaşa qırması (әtinә görә), hәmçinin gәtirdiklәri it, pişik, donuz vә meymunlar әrәfindәn yumurtaların vә cücәlәrin mәhv edilmәsi D.-ın nәslinin kәsilmәsini sürәtlәndirdi.

Маврики дронту (Raphus cucullatus).