DUBL-VE (W) MİLLİ PARKI – Niger Resp.-nda, Niger çayı sahili boyunca uzannan beynәlxalq milli parkın bir hissәsi. Benin vә Burkina-Faso dövlәtlәri ilә hәmsәrhәddir (yüksәklikdәn baxdıqda Niger çayının döngәlәri vә onun iki mövsümi qolu W hәrfini xatırladır; adı buradandır). 1954 ildә yaradılmışdır (1954 ilәdәk rezervat). Sah. 2200 km2. Meşәli savanna, xәzan vә yarımxәzan qalereya meşәlәri; 500-dәn çox bitki növü var. Su hövzәlәri vә bataqlıqlarda begemot, timsah vә çoxlu quş; savannalarda şir, bәbir, gepard, kәl, fil, ceyran vә antilopun müxtәlif növlәri mәskunlaşmışdır. Böyük sayda qırmızı alınlı ceyranların, at antiloplarının vә digәr dırnaqlıların mövcudluğu 1996 ildә parkın Ümumdünya irsi siyahısına daxil edilmәsinә sәbәb olmuşdur.
Дубл-Ве (W) Милли Паркындан эюрцнтцляр
