DÜQON (Dugong dugon) – sirenlәr dәstәsinin düqonlar fәsilәsindәn dәniz mәmәlisi. Bәdәninin uz. tәqr. 3 m (bәzәn daha çox), kütlәsi 400 kq-dan artıqdır. Üfüqi yerlәşәn quyruq üzgәcinin itiuclu iki pәri dәrin oyuqla ayrılır. Döş kürәklәri avarşәkilli, caynaqsızdır. Üzü әtlidir, aşağıya doğru әyilmişdir; üst dodağı qısa cod tüklә örtülüdür. Erkәk fәrdlәrdә kәsici dişlәr iri, fil dişinә bәnzәrdir. Qısa seyrәk tüklü belinin dәrisi hamardır. Yaşlı D.-un bәdәni göyümtül, yaxud qәhvәyiyәçalan (qarın tәrәfi açıqrәnglidir) aspid-boz, yenidoğulmuşlarınkı isә açıq-boz, yaxud krem (açıq-sarı) rәngdәdir. Sakit okeanın q. hissәsinin vә Hind okeanının sahil sularında, Şimali Afrikadan ş.-ә doğru – Şim. Avstraliyayadәk, hәmçinin Rükü (Yaponiya), Marşal vә Solomon a-rınadәk yayılmışdır. Dayazlıqda yaşayır, körfәzlәrә, bәzәn dә çay mәnsәblәrinә daxil olur. Yosunlarla qidalanır. D. çox vaxt tәklikdә, yaxud cüt-cüt, bәzәn 3–6 fәrddәn ibarәt qruplarla yaşayır; әvvәllәr 100 başdan ibarәt sürülәr dә qeyd olunub. Boğazlıq dövrü 1 ilәdәk olur, 1 bala doğulur. D. hәlә qәdimdәn әtinә vә yağına görә ov obyekti olmuşdur. Bir çox yerlәrdә D.-un sayı kәskin azalmışdır. BTMİ-nın “Qırmızı kitab”ına daxil edilmişdir.
Ади дцгон (Dugong dugon).
