DÜMÓN-DÜRVİL (Dumont d’Urville) Jül Sebastyen Sezar (23.5.1790, Konde- sür-Nuaro – 8.5.1842, Myödon yaxınlı- ğında) – fransız dәniz sәyyahı, Antarktika vә Okeaniyanın tәdqiqatçısı, kontr-adm. (1840). 1822–25 illәrdә “Rakovina” (sonradan “Astrolyabiya”) gәmisindә Cәnubi Amerika vә Okeaniyaya sәyahәt etmiş, botaniki vә entomoloji kolleksiya toplamışdır. 1826–28 illәrdә “Astrolyabiya” gәmisindә dünya sәyahәtinә çıxmışdır; Sakit okeanda bir neçә iri adalar qrupunu (Tonqa, Fici vә s.) tәdqiq etmiş, Yeni Zelandiya vә Yeni Qvineya sahillәrinin bir hissәsinin xәritәsini çәkmişdir. 1831 ildә Paris Coğrafiya Cәmiyyәtinin iclasında Okeaniyanı etnoqrafik meyarlara әsaslanaraq Polineziya, Mikroneziya vә Melaneziyaya ayırmağı tәklif etmişdir. Guya Asiyanı Amerika ilә birlәşdirәn batmış materik nәzәriyyәsini irәli sürmüşdür. 1837– 40 illәrdә ikinci dünya sәyahәtini hәyata keçirmişdir. Antarktidada Adeli Torpağını, Lui Filipp Torpağını, Juanvil a-rını kәşf etmişdir. Hәyat yoldaşı vә oğlu ilә d.y. qәzasında hәlak olmuşdur. Fәxri legion ordeni ilә tәltif edilmişdir (1821). Antarktidada dәniz, Melaneziyada ada, Lui Filipp Torpağında dağ D.-D.-in şәrәfinә adlandırılmışdır.

Әd.: G u i l l o n J. Dumont d’Urville. P., 1986.