DÜN (alm. Düne – qum tәpәsi) – külәk akkumulyasiyasının әmәlә gәtirdiyi relyef forması. Adәtәn, zonal-iqlim şәraitindәn asılı olmayaraq bütün qum yığımları, Rusiyada isә yalnız sәhradan kәnar (dәniz, göl sahillәrindә, çay terraslarında, zandr düzәnliklәrdә vә s.) qum relyef formaları “D.” adlandırılır. Barxanlardan fәrqli olaraq D.- lәrin külәktutmayan yamacları qabarıq olur, külәktutan yamaclarda “buynuzlar” külәyin әksi istiqamәtindә uzanırlar. D.-in külәktutmayan yamacı dik (32– 40°), külәktutan yamacı isә meyillidir (8 – 20°). Hünd. 5–30 m, bәzәn 100 m-әdәk olur. Baltika dәnizindәki Kurşi dilindә 58 m, Biskay körfәzi sahilindәki Landa ovalığında (Fransa) 97 m hünd.-ndә D. var. D.-ә Azәrb.-da Abşeron y-a-nın sahilboyunda da rast gәlinir. D. hakim külәklәrin istiqamәtilә ildә 10 m-ә qәdәr hәrәkәt edә bilir. Yerdәyişmәsi ilә tәsәrrüfata böyük zәrәr vuran bitkisiz D.-lәr ağac әkmәklә (xüsusilә şamağacı) bәrkidilir.

 Дцн. Курши дили. Калининград вил. (РФ).