ƏBDÜLRƏHİMOV Ramiz Hәmid oğlu (d. 29.6.1940, Bakı) – Azәrb. memarı. Memarlıq doktoru (1996), prof. (1985). Azәrb. Resp. Dövlәt mükafatı laureatı (1991). Azәrb. SSR әmәkdar ali mәktәb işçisi (1986). Azәrb. Politexnik İn-tunu (1964) bitirmişdir. 1964 ildәn hәmin in-tda (fasilәlәrlә) assistent, baş müәllim, dosent, memarlıq fakültәsinin dekanı (1979–93) vәzifәsindә çalışmışdır. 1975– 77 illәrdә Almaniyanın Berlin vә Drezden ş.-lәrindә elmi tәdqiqat tәcrübәsi keçmiş, 1993–2008 illәrdә İstanbul Texniki Untindә vә Trabzon Qaradәniz Texniki Un-tindә işlәmişdir. 2008 ildәn Azәrb. Memarlıq vә İnşaat Un-tinin prof.-udur. Tәdqiqatları memarlıq tarixi vә fizikasına, salonların akustikası, konstruksiyaların sәs izolyasiyası vә әtraf mühit ekologiyası problemlәrinә hәsr olunmuşdur. Ə. resp.da akustika sahәsindә çalışan ilk memardır. 80-dәn çox müxtәliftәyinatlı binanın vә yaşayış mәskәninin yenidәnqurma vә bәrpa layihәlәrini hazırlamışdır [Bakı Musiqi Akad.-nın Opera studiyası, Azәrb. Opera vә Balet Teatrı vә Azәrb. Dövlәt Akademik Milli Dram Teatrının binaları vә s.]. Mühüm memarlıq әsәrlәri: Vitebsk (1986) vә Qroznı (1990) ş.-lәrindә dram teatrlarının binaları, Bakıda “ÜNS” teatrının tamaşa salonu (2006), “Yaşıl teatr”ın yenidәn qurulması (2007), Gәncә Dövlәt Filarmoniyası (2017, R. Hüseynovla birlikdә) vә s. Türkiyә vә Şimali Kiprdә: Lütfi Kırdar ad. Konfranslar Mәrkәzinin salonları (İstanbul, 1995); otel binası (Trabzon, 1999); Qara Dәniz Texniki Un-tinin Osman Turan ad. Beynәlxalq Mәdәniyyәt vә Konfranslar Mәrkәzinin binası (Trabzon, 2006) vә s. 23 dәrslik, dәrs vәsaiti vә metodik әdәbiyyatın müәllifidir.
Əsәrlәri: Mülki binaların memarlıq konstruksiyaları. B., 1981; İnşaat fizikası. B., 1983; Salonların akustikası vә layihәlәndirilmәsi (türk dilindә). Ankara, Trabzon. 1998, 2005; Azәrbaycan memarlıq tarixi. Erkәn kapitalist dövrünün memarlığı (XIX әsrin ikinci yarısı – XX әsrin әvvәli). 4 c., 2014; Memarlıq fizikası. B., 2015.
