ƏBDÜRRƏHMANOV Nadir Qәmbәr oğlu (5.12.1925, Laçın – 26. 7.2008, Bakı) – Azәrb. boyakarı. Azәrb. SSR xalq rәssamı (1964), prof. (1983). Azәrb. Dövlәt Rәssamlıq Mәktәbini (1944), Azәrb. Dövlәt Tibb İn-tunu (1947) vә İ.Y.Repin ad. Leninqrad (indiki Sankt-Peterburq) Boyakarlıq, Heykәltәraşlıq vә Memarlıq İn-tunu (1953) bitirmişdir. 1961–70 illәrdә Azәrb. Rәssamlar İttifaqı İdarә Heyәtinin sәdri olmuşdur. Dövrün aktual problemlәrinә maraq, sә nәtdә yeni formalar axtarışı, dekorativliyә, kolorit zәnginliyinә meyil Ə.-un yaradıcılığına xas xüsusiyyәtlәrdir. Əsasәn, mәişәt vә mәnzәrә janrında işlәyәn Ə. Azәrb. xalqının tarixi keçmişini (“Kәdәrli xәbәr”, 1959, “İnqilabın әkssә dası”, 1980), müasirlәrinin әmәyini (“Sumqayıt alüminium zavodunda”, 1957; “Dağ adamları”, 1971; “Talış qızı”, 1971) әks etdirәn әsәrlәrin müәllifidir. Ə.-un tabloları üçün [“Dağlarda qürub çağı”, 1963; “Laçın”, 1964; “Sevimli na xışlar”, 1967; “Üzüm bağlarında”, 1988; “Qarabağ xalçaları”, “Payız”, “Minkәnd” (1990-cı illәr)] milli kolorit, әlvan palitra, kompozisiya yığcamlığı sәciy yәvidir. Ə. qrafika sahәsindә dә fәaliyyәt göstәrmişdir (İtaliya, Fransa, Yuqoslaviya, Nepal hәyatından lövhәlәr, “Dağ qızı” vә s.). Ə. xarici ölkәlәrdә ya radıcılıq sәfәrlәrindә olmuşdur: onun Koreya, Bolqarıstan, Əfqanıstan, İraq silsilәlәri, hәmçinin Çin, İtaliya, Fransa, Norveç hәyatından çәkdiyi tablo vә rәsmlәri var. Moskvada (1960, 1976), Koreya (1958), Slovakiya (1975), İraq (1978), Ankara (2000), hәmçinin dәfәlәrlә Bakı, Kiyev, Almatı, Aşqabad, Kişinyov vә s. şәhәrlәrdә fәrdi sәrgilәri keçirilmişdir. Əsәrlәri Azәrb. Milli İncәsәnәt Muzeyi (Bakı), Tretyakov qalereyası, Şәrq Xalqları İncәsәnәti Muzeyi (Moskva), Ankara vә s. yerlәrdә saxlanılır. Azәrb. Dövlәt Mәdәniyyәt vә İncәsәnәt Un-tindә, Azәrb. Dövlәt Rәssamlıq Akademiyasında (2001 il - dәn) pedaqoji fәaliyyәt göstәrmişdir. Azәrb. Resp.-nın “Şöhrәt” ordeni (2005) ilә tәltif edilmişdir.
Əd.: А к и м о в а Л. Надир Абдурахманов. М., 1973.
Ябдцррящманов Н. “Даьларда бащар”. 1970. Азярбайъан Дювлят Рясм Галерейасы.
