ƏBDÜRRƏHMANOV Yusif Əlәkbәr oğlu (18.5.1912, Şәki – 27.11. 1977, Bakı) – Azәrb. ixtioloqu. Biologiya e.d. (1960), prof. (1965). Azәrb. SSR EAnın
m.üzvü (1968). Azәrb. Dövlәt Un-tini (1939) bitirmiş, hәmin un-tdә onurğalılar zoologiyası kafedrasında müәllim işlәmişdir. Böyük Vәtәn müharibәsi iştirak çısı olan Ə. 1945–52 illәrdә Azәrb. SSR EA Zoologiya İn-tunda baş elmi işçi, 1952 ildәn ömrünün sonuna qәdәr hәmin in-tda ixtiologiya laboratoriyasının
müdiri olmuşdur. Pedaqoji fәaliyyәt göstәrmişdir. Tәdqiqatları Xәzәr dәnizinin vә resp.-nın müxtәlif su hövzәlәrinin balıq faunasının öyrәnilmәsinә, balıqçılıq tәsәrrüfatlarında su anbarlarından istifadә edilmәsinә, ayrı-ayrı növlәrin tәsnifat yerinin dәqiqlәşdirilmәsinә, yeni növlәrin vә hibrid formaların tәsvirinә hәsr edilmişdir. 100-dәn artıq elmi әsәrin, o cümlәdәn 6 monoqrafiyanın müәllifi, Zoologiya terminlәri lüğәtinin tәrtibçilәrindәndir. A.N.Derjavinlә birgә fәaliyyәt göstәrmişdir. Ə.-un müәllifi olduğu “Balıqlar” kitabında (“Azәrb. faunası”, 7-ci cild) Azәrb.-ın şirin sularında vә Xәzәrin Azәrb. sektorunda yaşayan 95 növ vә yarımnöv balığın tәsnifat qaydası ilә morfologiyası, yayılması, hәyat tәrzi vә tәsәrrüfat әhәmiyyәtinә dair yeni mәlumatlar verilir. Mingәçevir su anbarı biol. laboratoriyasının yaradıcısı, resp.-nın müxtәlif bölgәlәrinә çoxsaylı ixtioloji ekspedisiyaların tәşkilatçısı olmuşdur. Elmi kadrla rın hazırlanmasında xidmәti var. Azәrb. Sovet Ensiklopediyası elmi redaksiya şurasının üzvü olmuşdur.
Ə s ә r l ә r i: Azәrbaycan balıqları. B., 1955; Azәrbaycan faunası, c.7. Balıqlar. B., 1966; Рыбы пресных вод Азербайджана. B., 1962.