EFEMERLӘR (yun. έφήμερος – birgünlük, azömürlü) – çox qısa müddәt (bir neçә hәftә) әrzindә (adәtәn, yazın әvvәlindә) inkişaf edәn birillik ot bitkilәri. Sәhra, yarımsәhra vә qismәn bozqırlar üçün sәciyyәvidir (mәs., sirkәn). Yazda vә payızda torpaqda rütubәt çox olduqda E. çiçәklәyir vә toxum verir, quraqlıq olanda isә quruyub dinclik mәrhәlәsinә keçir. E. iki qrupa bölünür: yazlıq E. vә payızlıq E. Yazlıq E.-in toxumu yazda cücәrir, vegetasiyası 1,5–2,5 aydan (sirkәn vә s.) 6–8 ayadәk (sәhra pulcuqotu, oraqşәkilli buynuzbaş vә s.) davam edir. Payızlıq E.-in toxumu payızda cücәrdiyindәn vegetasiyası uzun çәkir. E. Azәrb.-ın qış otlaqlarında (Qobustan, Ceyrançöl, Acınohur vә s.) yem bazasının әsasını tәşkil edir.

 Баь сиркяни (Ātriplex hortēnsis).