ƏCİNNƏTƏPƏ – Tacikistanın Vaxş vadisindә Kurqan-Tәpә ş.-ndәn 12 km ş.-dә tәll-mәskәn. 1960–70 illәrdә B.A.Litvinski vә T.İ.Zeymalın apardıqları qazıntılar nәticәsindә 7 әsrin sonu – 8 әsrin әvvәllәrinә aid gil vә çiy kәrpicdәn düzbucaqlı planda tikilmiş, eyvanları  ilә  iki daxili  hәyәti, ibadәtgahları, hücrә vә dәhlizlәri olan Budda monastırının qalıqları aşkarlanmışdır. Hәyәtlәrdәn birindә monolit әsaslı ikihissәli stupa saxlanılmışdır. Qazıntılar zamanı divar rәsmlәrinin vә gil heykәllәrin (o cümlәdәn nirvana vәziyyәtindә yerdә uzanmış Buddanın 12 m-lik heykәli) qalıqları, 300-ә qәdәr Soğd mis sikkәlәri, әrәb dirhәmlәri, müxtәlif keramika mәmulatı, küp, döşәmәdәn gil çıraqlar, mәtbәx  qabları vә s. tapılmışdır. Ə.-nin memarlığında vә dekorativ müxәllәfatında hind elementlәri qәdim Toxarıstanın yerli tikinti әnәnәlәri ilә üzvi şәkildә bağlıdır.

Яъиннятяпядя ашкарланмыш Будда монастырынын галыглары вя Будданын щейкяли. Таъикистан.