EXOLOKÁSİYA (exo + lokasiya) – sәs lokasiyası üsullarından biri; E.-da obyektә qәdәr olan mәsafә exo-siqnalın qayıtması müddәtinә әsasәn tәyin edilir.

H e y v a n l a r ı n bәzilәrindә, o cümlәdәn cücülәr vә quşlarda, yarasa, delfin, suiti, balina vә s.-dә canlı E. var. Heyvanların sәmti bilmәsi, maneәlәrdәn qorunması, hәmçinin qida axtarması üçün E. olduqca әhәmiyyәtlidir. Delfin vә yarasalarda E. müddәti 0,2-dәn 4–5 m/san-әdәk, bәzәn daha artıq olan 130–200 khs tezlikli ultrasәs impulslarının şüalanmasına әsaslanır. Qaranlıq mağaralarda yaşayan quşlar (quaxaro vә salanqanlar) E.-dan sәmti tәyin etmәk üçün istifadә edir; onlar 7–4 khs-lik alçaq- tezlikli siqnallar şüalandırır. Delfin vә yarasalarda E. hәm dә hәdәfin mәkandakı vәziyyәtini, ölçülәrini, bәzi hallarda isә görünüşünü müәyyәn etmәk üçündür.