EKİBASTÚZ – Qazaxıstanda, Pavlodar vil.-ndә şәhәr. Әh. 129 min (2013). Pavlodardan 132 km c.-q.-dә, Astana–Pavlodar d.y.-nda st.

  Екибастуз шящяр ъцмя мясъиди.

Şәhәrin adı “eki bastı tuzdı kol” (“iki mәnbәyi olan duzlu göl”), yaxud “eki bas tuz” (“iki baş duz”) göl adı ilә bağlıdır. 1886 ildә yerli geoloq Kosım Pşenbayev gölün yaxınlığında kömür yatağı aşkar etmişdir. 19 әsrin sonlarında Qәrbi Sibir d.y.-nun çәkilmәsi vә İrtış çayında gәmiçiliyin inkişafı ilә bağlı daş kömürә tәlәbatı ödәmәk üçün Rusiya hökumәti E.-a axtarış-kәşfiyyat qrupları göndәrdi. Sonralar Fransa mütәxәssislәrinin dә E. hövzәsinә marağı artdı. 1898 ildә kiçik E. qәsәbәsi salındı. Şәhәrin әsasının qoyulması bu vaxtdan hesablanır. 1939 ildәn “Ekibastuzuqol” fәhlә qәs. adlandırıldı. 1948 ildә burada siyasi mәhbuslar üçün düşәrgә salındı vә yeni şәhәrin әsası qoyuldu. 1972 ildә tәşkil olunan E. r-nu 1997 ildә lәğv edildi, әrazisi E. şәhәrinin tәrkibinә qatıldı.

Şәhәr iqtisadiyyatının aparıcı sahәsi sәnayedir. Kömür hasilatı – 17166,7 min t, elektrik enerjisi – 6,22607 mlrd. kVt·saat olmuşdur (2008). Hazırda üç hövzәdә kömür istehsal edilir.

1980 ildә DRES-1, 1990 ildә DRES-2 istifadәyә verilmişdir. E.-da hәmçinin maşınqayırma vә metal emalı, tikinti materialları istehsalı, mәdәn avadanlıqlarının tәmiri müәssisәlәri, ferroәrintilәr z-du vә s. var.

Xidmәt sferasında ictimai iaşә xüsusi yer tutur (79,8%). Avtomobil vә d.y. nәql. inkişaf etmişdir. E.-da texniki-mühәndislik in-tu (1994), kolleclәr, mәdәniyyәt mәrkәzlәri, kitabxanalar, tarix-diyarşünaslıq muzeyi vә s. fәaliyyәt göstәrir.