EKOLOJİ TURİZM, e k o t u r i z m – turizm növü; tәbiәtinә nisbәtәn az müdaxilә olunmuş әrazilәrә mәqsәdli (müәyyәn yerli tәbii vә etno-mәdәni xüsusiyyәtlәri öyrәnmәk üçün) turist sәyahәtlәri. E.t. proqramları milli vә digәr parklara, qoruqlara, ekoloji baxımdan tәmiz әrazilәrә vә s. sәfәrlәri әhatә edir. Turlar zamanı ekologiyaya dair müxtәlif seminarlar, ictimaiyyәtlә görüşlәr vә s. tәdbirlәr dә hәyata keçirilir. E.t. әtraf mühitin vә onun komponentlәrinin (tәbiәt abidәlәrinin, heyvan vә bitki növlәrinin) qorunub saxlanılmasında bilavasitә maraqlı olan turizm sәnayesi sahәsidir. E.t.-in әsas prinsiplәri tәbiәtә sәyahәt (tәbiәt vә yerli adәt-әnәnәlәrlә tanışlıq); ekologiyaya münasibәtdә neqativ halların qarşısının alınması, mühitin ekoloji sabitliyinin mühafizәsi; tәbii vә yerli ictimai-mәdәni mühitin mühafizәsinә dәstәk; ekoloji maariflәndirmә vә mәlumatlandırma; turizm fәaliyyәtindәn әhalinin gәlir әldә etmәsi, yerli әhali arasında tәbiәtin qorunmasına marağın artırılması; sәfәr edilәn regionların sabit iqtisadi inkişafı vә s.-dәn ibarәtdir.

 Еколожи туризм. Екотуристляр Йеллостоун Милли Паркында.