EKRANLAŞDIRMA – әdәbi әsәr, hәmçinin dram vә musiqili tamaşalar әsasında film yaradılması. Kinematoqrafiya yarandığı ilk illәrdәn bәdii әdәbiyyata obrazlar mәnbәyi kimi baxmışdır. Xalq әdәbiyyatı nümunәlәri, o cümlәdәn dastan vә nağıllar, böyük yazıçıların romanları, poemaları, hekayәlәri ekranlaşdırılmışdır. Әdәbi әsә- rin orijinalına ehtiyatla yanaşmaq, onun bәdii ideyası, üslubu vә obrazlar sistemini ekranda canlandırmaq E.-nın әsas prinsipidir. U.Şekspirin, Ç.Dikkensin, F.M.Dostoyevskinin, L.N.Tolstoyun, M.Mitçellin vә b.-nın әsәrlәri dәfәlәrlә ekranlaşdırılmışdır.

Azәrb. yazıçılarının da әsәrlәri üzrә bir sıra uğurlu bәdii filmlәr çәkilmişdir: “Neft vә milyonlar sәltәnәtindә” (1916, İ.Musabәyovun eyniadlı povesti әsasında, rej. B.Svetlov), “Arşın mal alan”, “O olmasın, bu olsun” (1945, 1956, Ü.Hacıbәylinin musiqili komediyaları üzrә, rej.-lar R.Tәhmasib, H.Seyidzadә), “Dәli Kür” (1969, İ.Şıxlının eyniadlı әsәri üzrә, rej. H.Seyidzadә), “Axırıncı aşırım” (1971, F.Kәrimzadәnin “Qarlı aşırım” romanı üzrә, rej. K.Rüstәmbәyov).